Дистанционное обучение КазНМУ: С началом 2015-2016 учебного года!

Новости сайта

С началом 2015-2016 учебного года!

Уважаемые студенты!
Поздравляем Вас с началом учебного года!
И желаем успехов и благополучия!

HelpDesk ►

RSS

КҮН САНЫ

Tue, 23 Apr 2024, 15:30

290 coworking - орталығы 2024 жылы мектеп кітапханаларында ашылады

Мемлекет басшысының тапсырмасына сәйкес 2021 жылдан бастап оқырмандар үшін қолайлы жағдай жасауға, мектеп кітапханаларында материалдық-техникалық базаны жақсартуға бағытталған «Оқуға құштар мектеп» жобасы іске асырылуда. Мәселен, соңғы екі жылда жас оқырмандар үшін екі мыңға жуық орталық пен оқу бұрышы ашылды. 2024 жылы 290, 2025 жылы 116, ал 2026 жылы 110 оқу аймағын құру жоспарлануда.
Түркістан облысының білім беру жүйесіне жүргізілген кешенді мониторинг қорытындыланды

Tue, 23 Apr 2024, 02:12

Түркістан облысына жұмыс сапарымен бірінші вице-министр Наталья Жұмаділдаева бастаған министрліктің бір топ өкілі барды. Өңір педагогтерімен кездесу өтіп, онда білім саласында жүргізілген кешенді мониторингтің қорытындысы талқыланды.

Түркістан облысының білім беру ұйымдарындағы тежеуші факторларды анықтау үшін жаһандық PISA зерттеуінің нәтижелері мен MОДО ішкі сапаны бағалау жүйесі негізінде өткен жылдың қараша айында министрлік кешенді талдау мен бағалау жүргізген болатын. Қорытындысы бойынша кемшіліктерді жою бойынша жұмыстар жүргізіліп, сыбайлас жемқорлық тәуекелдерін болдырмау жоспары әзірленді. Жұмыс биыл да жалғасын тапты.

Сапалы білім және тәрбие жұмысын ұйымдастыру үшін міндетті нормативтік құжаттар сәйкестендірілді, 1000-нан астам педагог біліктілікті арттыру курстарынан сәтті өтті, балалардың қауіпсіздігін қамтамасыз ету, оның ішінде материалдық-техникалық базаны жаңарту шаралары күшейтілді. Қазіргі уақытта кадрлық әлеуетті, оның ішінде басшылық құрамды жақсарту бойынша жұмыстар жүргізілуде.

Жиынды қорытындылай келе, оқу-ағарту бірінші вице-министрі мемлекет педагогтeрдің мәртебесін арттыруға, инфрақұрылымды дамытуға, балалар үшін жайлы әрі қауіпсіз орта құруға үлкен мән беріп отырғанын айтты.

«Басты міндет – әрбір балаға сапалы білім беру. Бұл аса маңызды және ол білім беру жүйесінің барлық элементтерінің тиімді жұмыс істеуімен, оның ішінде кадрлардың біліктілігімен тікелей байланысты», - деп атап өтті Наталья Жұмаділдаева.

Жұмыс сапары облыс тұрғындарымен кездесумен, сондай-ақ азаматтарды жеке қабылдаумен жалғасты. Сондай-ақ министрлік өкілдері бірқатар білім беру ұйымдарын аралап, мәселелерімен танысты. Айта кету керек, биыл кешенді мониторинг Алматы облысында жалғасады.
Қазақстандық оқушылар химия пәнінен 58-ші халықаралық Менделеев олимпиадасында бақ сынайды

Mon, 22 Apr 2024, 20:48

Бүгін Қытай Халық Республикасының Шэньчжэнь қаласында химиядан халықаралық Менделеев олимпиадасы (МХО) өтуде. Оған әлемнің 29 елінен оқушылар қатысуда. Ел намысын 2023-2024 оқу жылындағы химия пәнінен республикалық олимпиаданың жеңімпаздары арасынан іріктелген 10-12 сыныптардан он қазақстандық оқушы қорғайды.

Команданың құрамы: 1. Әліби Мұғалім, «Білім-инновация» лицей-интернаты, Ақтау қаласы; 2. Ринат Илюсизов, № 8 лицей-мектебі, Павлодар қаласы; 3. Әділжан Молдағұл, «Білім-инновация» лицей-интернаты, Ақтау қаласы; 4. Абылай Кабдулхадыр, физика-математика бағытындағы Назарбаев Зияткерлік мектебі, Астана қаласы; 5. Кирилл Ким, физика-математика бағытындағы Назарбаев Зияткерлік мектебі, Астана қаласы; 6. Еңлік Бақытбекова, химия-биология бағытындағы Назарбаев Зияткерлік мектебі, Алматы қаласы; 7. Райымбек Габдолла, «Білім-инновация» лицей-интернаты, Ақтау қаласы; 8. Санжар Қалиақбар, №1 «Білім-инновация» лицей-интернаты, Қарағанды қаласы; 9. Тамила Рахимбаева, химия-биология бағытындағы Назарбаев Зияткерлік мектебі, Павлодар қаласы; 10. Алихан Серікұлы, Haileybury мектебі, Алматы қаласы. Жетекшілері – Елдана Бахытжан, PhD доктор, Қазақ ұлттық университетінің аға оқытушысы және Санжар Бегдаир, KBTU, 4-курс студенті.

Олимпиада алты күнге созылады және екі теориялық пен бір эксперименттік кезеңді қамтиды.

Айта кетсек, халықаралық Менделеев олимпиадасы – биыл шілде айында Сауд Арабиясының Эр-Рияд қаласында өтетін химиядан халықаралық олимпиадаға (IChO) дайындықтың маңызды кезеңінің бірі.
«Менің бауырым» жобасы бойынша мектептерде еріктілер жұмыс істеуде

Mon, 22 Apr 2024, 17:52

«Менің бауырым» жобасы аясында еріктілер Алматы, Астана, Қарағанды, Қызылорда, Алматы және Жетісу облыстарының 400-ден астам мектебінде белсенді жұмыс жүргізуде. Бұл бастама азаматтық қоғамның белсенділігін арттыруда маңызды рөл атқарады, ол бойынша әрбір адам қазақстандық балалардың саламаттығын сақтауға және қолдауға өз үлесін қоса алады.

«Мектептерде жұмыс істейтін еріктілер мұғалімдер мен оқушыларға көмек қолын соза отырып, білім беру процесінде түрлі жобалар мен бастамаларды іске асыруда. Олар инновациялық білім беру бағдарламаларын құруға, қосымша сабақтар мен іс-шаралар өткізуге үлес қосуда, бұл өз кезегінде оқыту-тәрбие беру ортасын дамытуға, балалар үшін мүмкіндіктер аясын кеңейтуге және білім сапасын арттыруға ықпал етеді», - деп атап өтті Балалардың құқықтарын қорғау комитетінің төрағасы Насымжан Оспанова.

Қазіргі уақытта жобаға еліміздің 36 жоғары оқу орындары мен колледждерінен 4 мыңға жуық студент қатысуда, бұл жастардың қолайлы білім беру ортасын құруға қолдау көрсетуге мүдделілігін көрсетеді. Айта кетейік, жобаны іске асыруға Қызылорда облысы да қосылды. Өңір педагогтері мен студенттері үшін Сырдария, Жалағаш, Қармақшы, Шиелі, Жаңақорған аудандарының орталықтарында әдістемелік семинарлар ұйымдастырылды.
Қазақстан құрамасы робототехникадан Хьюстоннан жеңіспен оралды

Mon, 22 Apr 2024, 15:43

Хьюстонда ең үлкен FIRST Championship чемпионаты аяқталды. Оған әлемнің 55-тен астам елінен 50 мың оқушы қатысты.

Биыл Қазақстан құрамасында FIRST LEGO LEAGUE EXPLORE кіші санатында Астана қаласыныдағы Quantum STEM School мектебінен IQ Robots командасы, FIRST LEGO LEAGUE CHALLENGE орта санатында - Шымкент қаласы Robopark мектебінен Shymside командасы, ал FIRST Tech CHALLENGE жоғары санатында - Алматы қаласындағы ФМБ НЗМ-нен Yaku командасы және Алматы қаласындағы РФММ-нен Bolt.M3 командасы болды. Биылғы құраманың нәтижелері:

6-10 жас аралығындағы бастауыш сынып оқушылары қатысатын IQ Robots командасы үздік таныстырылым және жоба идеясы үшін Best Poster Award номинациясында жеңіске жетті.

Жоғары сынып оқушыларынан құралған Bolt.M3 командасы Motivate Award беделді жүлдесін қанжығалады. Айта кету керек, бұл марапат өз елінде және одан тыс жерлерде STEM-ді танымал етуге үлес қосқан командаға беріледі.

Сондай-ақ, 10-16 жас аралығындағы оқушыларды біріктірген Shymside командасы жаһандық STEM қозғалысының маңызды критерийі болып табылатын FIRST бағдарламасының командалық рухы мен негізгі құндылықтарын көрсетті. Сонымен қатар, іс-шара ұйымдастырушылары Shymside командасын осы маусымға арналған деректі фильмге түсірді.

«Біздің балалар чемпионаттың барлық үш күнінде көшбасшылар қатарынан көрінді. Олардың алаңдағы ойындарын, жеңістері мен жеңілістерін көру, қазылар алқасының мүшелерімен сұхбатын кулуарда күту сәттері өте қызықты болды. Балаларымызда өте мықты роботтар, инженерлік жобалар, айдентика және негізгі құндылықтар бар. Біздің балаларымызды әлемнің түкпір - түкпірінен жиналған 50000-нан астам оқушы арасында байқамау мүмкін емес. Мәселен Bolt.M3 командасы иеленген жүлде ТМД елдерінің арасындағы мұндай алғашқы марапат» - дейді «Дарын» РҒПО директоры Ғаждембек Тұрсынов.

Естеріңізге сала кетейік, Қазақстан құрамасы Оқу-ағарту министрлігінің қолдауымен «USTEM Foundation» қоғамдық қоры мен «Дарын» РҒПО ұйымдастырған Central Asia FIRST Championship Орталық Азия чемпионатының нәтижесі негізінде жасақталған болатын. Чемпионатта жеңіске жеткен оқушылар әлемдік жоғары оқу орындарындағы стипендиялар мен гранттарға қол жеткізуге мүмкіндік алады.