Дистанционное обучение КазНМУ: Subject materials not showing up

HelpDesk

Subject materials not showing up

My Histology, Physical education, ICT and Russian language Materials won't show up.

I'm unable to complete my work.

Please fix it.

RSS

Биыл жемқорлардан тәркіленген қаржыға салынған 25 мектеп ашылады

Tue, 16 Apr 2024, 15:36

Бұған дейін апатты және үш ауысымды мектептер мәселесін шешу үшін Білім беру инфрақұрылымын қолдау қорының есебінен 76 738 орынға арналған 62 мектептің құрылысы қаржыландырылды. Оның ішінде бүгінгі таңда 37 мектеп іске қосылды, деп хабарлайды ҚР Оқу-ағарту министрлігінің баспасөз қызметі.

Білім беру нысандарын іске қосу нәтижесінде өңірлерде 48 мың жаңа оқушы орны пайдалануға берілді. Көпшілігі ірі мегаполистерде және оларға жақын агломерацияларда орналасқан.

«Қор Қазақстанның білім беру саласындағы жобаларды іске асыру бойынша белсенді жұмысты жалғастыруда. Президенттің тапсырмасы бойынша құрылған қордың қызметі мектептер, оларға қосымша құрылыс нысандарын, интернаттар салу, реконструкциялау арқылы үш ауысымды, апатты мектептер мен оқушы орнының жетіспеушілігін жоюға бағытталған. Осы жылы 28 мың оқушы орнына арналған тағы 25 мектепті іске қосу жоспарлануда», – деп атап өтті инфрақұрылымды дамыту департаменті директорының м.а. Марлен Қасенов.

Естеріңізге сала кетейік, осы жылдың басында Білім беру инфрақұрылымын қолдау қорының қаражаты есебінен шамамен 15 мың орындық тағы 20 жаңа мектеп салынатыны белгілі болды. Олар пайдалануға 2025 жылы беріледі деп күтілуде.
ҚР Оқу-ағарту министрлігінің өкілдері су тасқынынан зардап шеккен өңірлерде педагогтермен және балалармен кездесті

Tue, 16 Apr 2024, 02:49

Оқу-ағарту министрінің орынбасарлары мен комитет төрағалары Ақмола, Қостанай, Абай, Шығыс Қазақстан облыстарында болып, педгогтермен және балалармен кездесулер өткізді.

Бүгінгі таңда 600-ге жуық бала 11 сауықтыру орталығына орналастырылды, оның ішінде 80-нен астамы Ақмола облысындағы «Жасдәурен» лагеріне қабылданған. Ал екі мыңға жуық оқушы республикалық маңыздағы мектеп-лицейлерінің интернаттарына, колледждер мен ЖОО-ның жатақханаларына орналастырылды. Балалар қажетті оқу құралдарымен, киіммен және тамақтанумен қамтамасыз етілді. Оқу процесін сапалы ұйымдастыру үшін интернет жылдамдығы нашар қарғын су басқан аймақтарға Starlink интернет желісі тартылуда.

Педагогтер ұжымымен кездесуде Орта білім комитетінің төрағасы Қаныбек Жұмашев министрлік тарапынан педагогтерді қолдау шаралары қабылданып жатқанын атап өтті. Су тасқынынан зардап шеккен облыстарда педагогтерді аттестаттаудан, ал оқушыларды БЖБ мен ТЖБ тапсырудан босату бойынша жұмыстар жүргізілуде.

Министрлік өкілдері бірқатар білім беру мекемелерін аралады, оың ішінде суға кеткен нысандарда да болды. Кейбір нысандарда жөндеу жұмыстары басталды. Атап өту керек, ТЖ режимі алынып тасталғаннан кейін министрлік уәкілетті мемлекеттік органдармен бірге келтірілген залал көлеміне бағалау жүргізе отырып, зардап шеккен педагогтер мен білім беру ұйымдарының тізімін жасайды.
Жалпы, елімізде су тасқынына қарсы шараларға 26 мыңнан астам педагог қатысуда.
Су тасқынынан зардап шеккен өңірлерде 13 мектеп Starlink желісіне қосылды

Mon, 15 Apr 2024, 21:37

Оқу-ағарту министрлігі су тасқыны орын алған өңірлерде оқу процесін ұйымдастыру бойынша жұмысарды жалғастыруда. Оның ішінде ҚР ЦДИАӨМ-мен бірге интернет жылдамдығы төмен ауыл мектептерін жоғары жылдамдықты желіге қосу бойынша тиісті іс-шаралар жүргізілуде.

Қостанай, Ақтөбе, Ұлытау және Шығыс Қазақстан облыстары бойынша мектептерге Starlink желісінің терминалдары орнатылды.

«Бірінші кезекте эвакуациялық пункттер орналасқан мектептерде байланыс қондыру мен онлайн оқытуды ұйымдастыру қолға алынуда. Су тасқыны басталғалы бері 13 мектеп жоғары жылдамдықты желіге қосылды. Қазір терминалдар Ақмола және Түркістан облыстарының мектептерінде орнатылуда», - деп атап өтті цифрландыру департаменті директорының м.а. Майра Маралбаева.

Жалпы, еліміздің 329 мектебі Starlink технологиясын қолдана отырып, интернетпен қамтамасыз етілген. Терминалдар орнатылғаннан кейін мектептердегі интернеттің орташа жылдамдығы 150 Мбит/с құрайтын болады.
Елімізде оқушылардың білім жетістіктерінің мониторингі басталды

Mon, 15 Apr 2024, 17:15

15 сәуірден бастап Қазақстан мектептерінде оқушылардың білім жетістіктерінің мониторингі басталды. Оған 2462 орта білім беру ұйымдарындағы төртінші және тоғызыншы сыныптардан 150 мың оқушы қатысады.

«Су тасқыны жағдайына байланысты алты өңірде: Ақмола, Атырау, Ақтөбе, СҚО, Қостанай және БҚО-да ББЖМ өткізу 15 сәуірден 29 сәуірге ауыстырылады. Қалған өңірлерде штаттық режимде өтеді. Мониторинг оқу, математикалық және жаратылыстану сауаттылығы бағыттары бойынша компьютерлік кешенді тестілеу түрінде өтеді», - деп атап өтті Оқу-ағарту министрлігі білім беру саласында сапаны қамтамасыз ету комитетінің басқарма басшысы Динара Абылканова.

Айта кетейік, ББЖМ 3 мамырға дейін жалғасады. Осы жылы тест тапсырмалары PISA, PIRLS, TIMSS сынды халықаралық бағалау жүйелерін ескере отырып жаңартылды. Қазір қазақстандық ББЖМ жүйесі халықаралық аккредиттеуден өтуде.

Анықтама: ББЖМ - бұл оқу бағдарламаларының тиімділігін бағалауға, оқу процесінің мықты және әлсіз тұстарын анықтауға мүмкіндік беретін, оқушылардың білім сапасын анықтайтын қазақстандық ұлттық зерттеу. Түпкілікті нәтиже білім беру сапасын арттыру үшін әр аймақ пен нақты мектеп бойынша кешенді талдау мен әдістемелік ұсынымдар әзірлеу болып табылады.
Маңғыстау облысының 28 білім беру нысаны Атырау облысынан эвакуацияланған тұрғындарды қабылдады

Sun, 14 Apr 2024, 17:54

ҚР Оқу-ағарту министрі Маңғыстау облысында болып, Атырау өңірінен эвакуацияланған тұрғындармен кездесті.

Ақтау қаласындағы оңалту орталығының жатақханасына Атырау облысының 73 тұрғыны орналастырылған, оның ішінде ерекше білім беруді қажет ететін 11 бала бар. Кездесуде Ғани Бейсембаев үкімет тарапынан балалар үшін қауіпсіз және қолайлы жағдай жасауға аса көңіл бөлініп отырғанын атап өтті.

«Мемлекет басшысы су тасқынынан зардап шеккен тұрғындардың шығындарын өтеу туралы тапсырма берді. Үкімет бүгінгі таңда материалдық шығындарды өтеу бойынша шаралар қабылдауда. Біз үшін су тасқыны мен қайта қалпына келтіру жұмыстары аяқталғанға дейін балаларды оқумен және демалумен қамтамасыз ету аса маңызды. Оқу процесін тиімді ұйымдастыру мақсатында барлық жағдайлар жасалуда. Жалпыға бірдей білім беру қорының аясында балалар қажетті оқу құралдарымен қамтамасыз етіледі. Бұл жұмыстар әлі де жалғасатын болады», - деді министр.

Сондай-ақ министр мектептер мен колледждердегі эвакуациялық және гуманитарлық көмек қабылдау пункттерінде болды. Маңғыстау облысында барлығы 28 білім беру ұйымы азаматтарды уақытша орналастыру пункті ретінде ұйымдастырылған.

Естеріңізге сала кетейік, бұған дейін министр Атырау облысында болып, педагогтермен және тұрғындармен кездесті. Маңғыстау облысынан кейін ол еліміздің солтүстігіндегі өңірлердің ахуалымен танысады.