Дистанционное обучение КазНМУ: physical culture

HelpDesk

physical culture

hello ,i am not added to the course

please add me

how will i submit my work otherwise

RSS

Оқу-ағарту министрі алғашқы әскери және технологиялық дайындық мұғалімдерін марапаттады

Wed, 08 May 2024, 00:26

Отан қорғаушылар күні 20 АӘТД педагогі ведомстволық наградалармен марапатталды. Салтанатты шараға оқу-ағарту министрі Ғани Бейсембаев қатысты.

Министр кездесуге қатысушыларды Отан қорғаушылар күнімен құттықтап, оларға өскелең ұрпақты патриотизмге, еңбексүйгіштікке тәрбилеуге қосқан үлестері үшін алғыс білдірді.

«Бүгінде қазақстандық мектептерде 5 мыңға жуық алғашқы әскери және технологиялық дайындық педагогі қызмет етуде. Балалардың бойында рухани-адамгершілік құндылықтарды, қауіпсіздік дағдыларын қалыптастыруда, әскери қызметке құрметпен қарауға, азаматтылыққа, патриотизмге тәурбиелеуде сіздердің еңбектеріңіз өлшеусіз. Сіздер мыңдаған жасөспірім үшін батылдық пен күш-қайраттың үлгісі болып табыласыздар. Еліміздің болашақ отан қорғаушыларын тәрбиелеудегі ерік-жігерлеріңіз бен еңбектеріңіз үшін алғысымды білдіремін», - деді Ғани Бейсембаев.

Сондай-ақ министр педагогтердің еңбегін елеп, оларға марапаттар тапсырды:

«Ы.Алтынсарин» төсбелгісімен марапатталғандар:

1) Коспанов Дархан -
Солтүстік Қазақстан облысы Ә. Досмұхамбетов атындағы облыстық дарынды балаларға арналған мамандандырылған гимназия-интернатының алғашқы әскери және технологиялық дайындық пәнінің мұғалімі, педагог-шебер;
2) Умирзаков Жанбол -
Алматы облысы Жамбыл ауданы Беріктас орта мектебінің алғашқы әскери және технологиялық дайындық пәнінің мұғалімі, педагог-модератор;

«Білім беру ісінің құрметті қызметкері» төсбелгісімен:

3) Умирбеков Сабит -
Астана қаласы № 59 мектеп-лицейдің педагог-зерттеушісі;
4) Нұрғамза Руфат - Алматы қаласы № 117 жалпы білім беретін мектептің алғашқы әскери дайындық пәнінің мұғалімі, педагог-зерттеуші;
5) Досжан Сержан - Шымкент қаласы Қ. Сыпатаев атындағы № 7 IT мектеп-лицейінің педагог-зерттеушісі;
6) Серик Жусупов - Абай облысы Шәкәрім атындағы көпбейінді № 5 гимназияның дене тәрбиесі және алғашқы әскери және технологиялық дайындық пәнінің мұғалімі, педагог-зерттеуші;
7) Амренов Жанат - Ақмола облысы Атбасар ауданы № 2 жалпы орта білім беретін мектептің педагог-зерттеушісі;
8) Жанбырбаев Булатбек - Ақтөбе облысы № 17 гимназияның әскери және технологиялық дайындық пәнінің мұғалімі, педагог-зерттеуші;
9) Ажигалиев Саламат - Атырау облысы Индер ауданы М.Әуезов атындағы орта мектептің алғашқы әскери дайындық пәнінің мұғалімі, педагог-зерттеуші;
10) Даулеткалиев Аскар - БҚО, Бөрлі ауданы № 4 жалпы орта білім беретін мектептің әскери және технологиялық дайындық пәнінің мұғалімі, педагог-зерттеуші;
11) Андриянов Александр - Жамбыл облысы Меркі ауданы И. Трубицын атындағы жалпы орта білім беретін мектеп-гимназияның педагог-зерттеушісі;
12) Омаров Дюсембай - Жетісу облысы Алакөл ауданы Д. Қонаев атындағы мектебінің дене шынықтыру, әскери және технологиялық дайындық пәнінің мұғалімі, педагог-зерттеуші;
13) Хасенов Амангельды - Қарағанды облысы Қарағанды қаласы № 91 жалпы білім беретін мектептің әскери және технологиялық дайындық пәнінің мұғалімі, педагог-зерттеуші;
14) Садыков Ерболат - Қызылорда облысы Сырдария ауданы № 210 О. Әбілпаттаев атындағы орта мектептің педагог-зерттеушісі;
15) Карасартов Жумахан - Маңғыстау облысы Ш. Мұңалұлы атындағы № 5 жалпы білім беретін мектептің алғашқы әскери және технологиялық дайындық пәнінің мұғалімі, педагог-зерттеуші;
16) Идрисов Абзал - Павлодар облысы, Павлодар қаласы, № 30 жалпы білім беретін мектептің педагог-зерттеушісі;
17) Аймурзаев Ербол - Түркістан облысы № 32 Ә. Жангельдин атындағы жалпы білім беретін мектептің алғашқы әскери және технологиялық дайындық пәнінің мұғалімі, педагог-зерттеуші;
18) Изтилеуов Нурлан - Ұлытау облысы Жезқазған қаласы № 10 жалпы білім беретін мектептің алғашқы әскери және технологиялық дайындық пәнінің мұғалімі, педагог-зерттеуші;
19) Енсенов Нурлыбек - ШҚО Тарбағатай ауданы Қ. Ақынов атындағы орта мектептің алғашқы әскери және технологиялық дайындық пәнінің мұғалімі, педагог-зерттеуші;
20) Сергей Мишура - Қостанай облысы Ұзынкөл ауданы Ершов орта мектебінің мұғалімі, педагог-зерттеуші.
180 мыңнан астам мектеп түлегі елімізді көгалдандыруға атсалысты

Mon, 06 May 2024, 21:12

«Таза Қазақстан» экологиялық акциясы аясында еліміздің барлық өңірінде бір мезгілде «Түлектердің ағаш егуі» эко-челленджі өтті. Елордалық №82 мамандандырылған «Дарын» мектеп-лицейінің оқушыларымен бірге оқу-ағарту министрі Ғани Бейсембаев ағаш отырғызуға қатысты, деп хабарлайды министрліктің баспасөз қызметі.

Қазақстанның барлық білім беру ұйымдарында «Ынтымақ айы» айлығы жарияланды, оның аясында «Таза Қазақстан», «Игі істер», «Каникулда кітап оқиық» және басқа да бірқатар республикалық акциялар ұйымдастырылады. Бұл бастама өскелең ұрпақты қайырымды істерге баулуға, олардың бойында қоршаған ортаға деген қамқорлық пен экологиялық мәдениеттілік қалыптастыруға бағытталған.

Министр оқушыларға елімізді көгалдандыру мен абаттандырудың қаншалықты маңызды екенін айтты.

«Экологиялық мәдениет өз үйіңнің, ауланың, көшенің, мектеп пен туған қалаңның тазалығын сақтаудан басталады. Біз туған жерімізге қамқорлық танытуымыз керек. Бүгін сіздер отырғызған жас көшет, ертеңгі күні осы мектептің оқушыларымен бірге жайқалып өсетін болады. Алайда, ол үшін көшеттерге қамқорлықпен күтім жасау керек. Осылайша біз кейінгі ұрпаққа өзіміз туралы естелік қалдырамыз», - деді Ғани Бейсембаев.

Ағаш отырғызу эко-челленджі дәстүрлі шараға айналды, биыл екінші жыл ол барлық білім беру ұйымдарында үзбей өткізіліп келеді. Оған ата-аналар, педагогикалық қауымдастық, депутаттар, «Тұрақты даму» Жер қорының қоғам қайраткерлері де атсалысуда.

Осы жылы бұл шараға 9-11 сыныптардан 180 мыңнан астам оқушы қатысты. Барлығы 50 мыңнан астам жас көшет пен гүл отырғызылды. Осыдан бір апта бұрын алматылық оқушылар министрмен бірге өз қалаларында төрт жүзден астам жеміс ағаштарын отырғызған болатын.
Күн саны

Mon, 06 May 2024, 15:36

Еліміздің білім беру ұйымдарында 93 048 ер педагог еңбек етеді

ҚР Оқу-ағарту министрлігі «Ахмет Байтұрсынұлы атындағы «Талдау» ұлттық зерттеулер және білімді бағалау орталығы» АҚ мәліметінше, бүгінде еліміздің білім беру ұйымдарында 93 048 ер педагог жұмыс істейді. Оның 13 867-і колледж, 76 502 -і мектептерде, 2 679 -ы мектепке дейінгі ұйымдарда.
Оқу-ағарту министрі «Үздік педагог» байқауының жеңімпаздарымен кездесті

Sun, 05 May 2024, 16:50

Қазақстанда 12 жыл бойы дәстүрлі түрде «Үздік педагог» республикалық конкурсы ұйымдастырылып келеді. Бүгінге дейін жалпы саны 624 мұғалім өз мамандығының үздігі болып танылды.

Педагогтермен кездесуде оқу-ағарту министрі Ғани Бейсембаев білім саласының дамуындағы ұстаздардың рөлі маңызды екенін атап өтті.

«Ұстаз болу - бұл ең алдымен өз мамандығыңды шексіз сүю. Оның ұрпаққа тәрбие мен білім берудегі еңбегі шексіз. Ұстаздың міндеті мектеп табалдырығын тарыдай болып аттаған әрбір баланы адал адам, тұлға ретінде қалыптастыруға күш салу. Өскелең ұрпақтың тағдыры мұғалімнің қолында, сондықтан педагогтер өзінің үлгілі ісі арқылы терең білім мен жоғары мәдени құндылықтарға жол көрсететін тұлға болуы тиіс»,- деді Ғани Бейсембаев.

Еліміздің үздік ұстаздары өз іс-тәжірибелерімен, идеяларымен бөлісті. Сондай-ақ мемлекетке өздеріне сенім артып, педагогикалық қауымға көрсеткен қолдауы үшін алғыс білдірді.

Айта кетейік, «Үздік педагог» республикалық байқауы 2012 жылдан бері өткізіліп келеді. Жыл сайын 64 педагог осы марапатқа ие болады. Әрбір жеңімпазға мемлекеттік қолдау ретінде 1000 АЕК немесе 3 450 000 теңге көлемінде сыйақы беріледі.
Балаларды сауықтыру орталықтары бойынша 200-ге жуық басшы семинарға қатысты

Sun, 05 May 2024, 01:14

ҚР Оқу-ағарту министрлігінің «Балдәурен» республикалық оқу-сауықтыру орталығында «Жазғы каникул кезеңінде балалардың сауықтыру демалысын, бос уақытын және жұмыспен қамтылуын ұйымдастыру» тақырыбында семинар-кеңес өтті. Оған орталық мемлекеттік органдар мен жергілікті атқарушы органдардың, сауықтыру орталықтарының, жас туристер станциялары басшыларының республикалық кеңесінің және ҮЕҰ-ның өкілдері қатысты.

Мақсаты - балаларды сауықтыру және білім беру мекемелерін жазғы сауықтыру науқанына сапалы даярлауды ұйымдастыру, жазғы кезеңде балалардың сауығуын, демалысын және жұмыспен қамтылуын ұйымдастыру мәселелері бойынша тиімді ведомствоаралық өзара іс-қимылды айқындау.

«Екі күн бойы қатысушылар жазғы кезеңде балалардың бос уақыты мен жұмыспен қамтылуы бойынша үздік кейстерді талдап, пікір алмасты. Атап айтқанда, диалог алаңдарында келесі бағыттар талқыланды: «құрылымнан іске асыруға дейін» балаларды сауықтыру орталықтарындағы тәрбие бағдарламалары, балаларды тәрбиелеу мен сауықтыруды ұйымдастырудағы балалар лагерлерінің педагогикалық әлеуеті, сондай-ақ жазғы маусым кезеңіндегі қызмет бейіні бойынша лагерлер қызметінің өзекті аспектілері», - деп атап өтті Тәрбие жұмысы және қосымша білім беру департаменті басқармасының басшысы Алтай Рахимберлин.

Естеріңізге сала кетейік, 2024 жылғы жазғы демалысқа дайындық осы жылдың қаңтар айында басталды. ІІМ, ДСМ, ТЖМ, МАМ, ТСМ, ҒЖБМ, ЕХӘҚМ және ЭТРМ-мен бірлесіп заңнамалық нормаларды, бағдарламаларды, сондай-ақ мониторинг пен бақылауды қамтитын іс-шаралар жоспары қабылданды. Биыл алғаш рет лагерьлердің әрбір түріне бірыңғай талаптар әзірленді, қосымша білім беру бойынша еріктілер мен педагогтер жұмысқа тартылды, лагерьлерді қабылдау мен нұсқама өткізудің республикалық мониторингі құрылды. Бүгінгі таңда Министрлік уәкілетті мемлекеттік органдармен бірлесіп балалар сауықтыру орталықтарының тізілімін бекітті. Жазғы кезеңде барлығы 3,1 млн оқушыны немесе 88,2% демалыспен қамту жоспарлануда. Олар үшін 10 630 лагерь дайындалды.