Дистанционное обучение КазНМУ: График проведения вебинара для ППС НАО КазНМУ в период с 03.08 по 31.08.2020г.

Новости сайта

График проведения вебинара для ППС НАО КазНМУ в период с 03.08 по 31.08.2020г.

График проведения вебинара для ППС НАО КазНМУ

HelpDesk ►

RSS

Қазақстандық оқушылар EGMO-2024 қыздарға арналған халықаралық математикалық олимпиадада төрт медаль жеңіп алды

Wed, 17 Apr 2024, 18:50

Бүгін Цхалтубо қаласында (Грузия) EGMO-2024 қыздарға арналған халықаралық математикалық олимпиада өз мәресіне жетті. Жарысқа 54 елден 212 оқушы қатысты. Қазақстан құрама командасында төрт оқушы мен екі жетекші бар.

Олимпиада қорытындысы бойынша Қазақстан командасының қоржыны 4 медальға толықты:

Күміс медаль - Анастасия Одинцова - Павлодар қаласындағы дарынды балаларға арналған №8 мектеп-лицейінің 11 сынып оқушысы;

Күміс медаль - Амира Кенбаева – Алматы қаласындағы физика-математика бағытындағы Назарбаев зияткерлік мектебінің 11 сынып оқушысы;

Қола медаль - Арай Қасенова – Алматы қаласындағы Haileybury Almaty халықаралық мектебінің 11 сынып оқушысы;

Қола медаль - Аружан Батырхан - Алматы қаласындағы Республикалық физика-математика мектебінің 9 сынып оқушысы.

Айта кету керек, EGMO алғаш рет 2012 жылы Кембриджде ұйымдастырылды. Қазақстан олимпиадаға 2017 жылдан бері қатысып келеді. Осы жылдарда Қазақстан құрамасы 3 алтын, 11 күміс, 12 қола медаль және 4 құрмет грамотасын иеленді.
Студенттік орталықтарда экономиканың түрлі бағыттары бойынша 167 стартап пен бизнес-идеялар іске асырылуда

Wed, 17 Apr 2024, 15:37

Еліміздің 20 колледжінде жастар арасында «Идеядан табысты бизнеске дейін» бизнес-жобаларын іске асыру мақсатында «Business Startup» студенттік орталықтары құрылды.

Бүгінгі таңда бұл орталықтарда 665 студенттің қатысуымен экономиканың түрлі бағыттары бойынша 167 стартап жүзеге асырылуда.

«Бұл студенттік орталықтар әлеуметтік серіктестерді тарта отырып, білім алушылардың кәсіпкерлік дағдыларын дамытуға және оларға өз ісін ашуға мүмкіндік береді. 2028 жылға дейін колледждерде дәл осындай 100 орталық ашу жоспарлануда. 119 мемлекеттік колледж өздері шығарған тауарларды нарыққа шығарып сатуда, бұл олар үшін өз бетінше табыс табу мүмкіндігі», - деп атап өтті техникалық және кәсіптік білім департаментінің директоры Әсет Мұханбетов.

Айта кетейік, өңірлердегі «Business startup» студенттік орталықтары студенттердің стартаптары мен бизнес-идеяларын қолдау мен жүзеге асырудың алаңына айналуда.
Биыл жемқорлардан тәркіленген қаржыға салынған 25 мектеп ашылады

Tue, 16 Apr 2024, 15:36

Бұған дейін апатты және үш ауысымды мектептер мәселесін шешу үшін Білім беру инфрақұрылымын қолдау қорының есебінен 76 738 орынға арналған 62 мектептің құрылысы қаржыландырылды. Оның ішінде бүгінгі таңда 37 мектеп іске қосылды, деп хабарлайды ҚР Оқу-ағарту министрлігінің баспасөз қызметі.

Білім беру нысандарын іске қосу нәтижесінде өңірлерде 48 мың жаңа оқушы орны пайдалануға берілді. Көпшілігі ірі мегаполистерде және оларға жақын агломерацияларда орналасқан.

«Қор Қазақстанның білім беру саласындағы жобаларды іске асыру бойынша белсенді жұмысты жалғастыруда. Президенттің тапсырмасы бойынша құрылған қордың қызметі мектептер, оларға қосымша құрылыс нысандарын, интернаттар салу, реконструкциялау арқылы үш ауысымды, апатты мектептер мен оқушы орнының жетіспеушілігін жоюға бағытталған. Осы жылы 28 мың оқушы орнына арналған тағы 25 мектепті іске қосу жоспарлануда», – деп атап өтті инфрақұрылымды дамыту департаменті директорының м.а. Марлен Қасенов.

Естеріңізге сала кетейік, осы жылдың басында Білім беру инфрақұрылымын қолдау қорының қаражаты есебінен шамамен 15 мың орындық тағы 20 жаңа мектеп салынатыны белгілі болды. Олар пайдалануға 2025 жылы беріледі деп күтілуде.
ҚР Оқу-ағарту министрлігінің өкілдері су тасқынынан зардап шеккен өңірлерде педагогтермен және балалармен кездесті

Tue, 16 Apr 2024, 02:49

Оқу-ағарту министрінің орынбасарлары мен комитет төрағалары Ақмола, Қостанай, Абай, Шығыс Қазақстан облыстарында болып, педгогтермен және балалармен кездесулер өткізді.

Бүгінгі таңда 600-ге жуық бала 11 сауықтыру орталығына орналастырылды, оның ішінде 80-нен астамы Ақмола облысындағы «Жасдәурен» лагеріне қабылданған. Ал екі мыңға жуық оқушы республикалық маңыздағы мектеп-лицейлерінің интернаттарына, колледждер мен ЖОО-ның жатақханаларына орналастырылды. Балалар қажетті оқу құралдарымен, киіммен және тамақтанумен қамтамасыз етілді. Оқу процесін сапалы ұйымдастыру үшін интернет жылдамдығы нашар қарғын су басқан аймақтарға Starlink интернет желісі тартылуда.

Педагогтер ұжымымен кездесуде Орта білім комитетінің төрағасы Қаныбек Жұмашев министрлік тарапынан педагогтерді қолдау шаралары қабылданып жатқанын атап өтті. Су тасқынынан зардап шеккен облыстарда педагогтерді аттестаттаудан, ал оқушыларды БЖБ мен ТЖБ тапсырудан босату бойынша жұмыстар жүргізілуде.

Министрлік өкілдері бірқатар білім беру мекемелерін аралады, оың ішінде суға кеткен нысандарда да болды. Кейбір нысандарда жөндеу жұмыстары басталды. Атап өту керек, ТЖ режимі алынып тасталғаннан кейін министрлік уәкілетті мемлекеттік органдармен бірге келтірілген залал көлеміне бағалау жүргізе отырып, зардап шеккен педагогтер мен білім беру ұйымдарының тізімін жасайды.
Жалпы, елімізде су тасқынына қарсы шараларға 26 мыңнан астам педагог қатысуда.
Су тасқынынан зардап шеккен өңірлерде 13 мектеп Starlink желісіне қосылды

Mon, 15 Apr 2024, 21:37

Оқу-ағарту министрлігі су тасқыны орын алған өңірлерде оқу процесін ұйымдастыру бойынша жұмысарды жалғастыруда. Оның ішінде ҚР ЦДИАӨМ-мен бірге интернет жылдамдығы төмен ауыл мектептерін жоғары жылдамдықты желіге қосу бойынша тиісті іс-шаралар жүргізілуде.

Қостанай, Ақтөбе, Ұлытау және Шығыс Қазақстан облыстары бойынша мектептерге Starlink желісінің терминалдары орнатылды.

«Бірінші кезекте эвакуациялық пункттер орналасқан мектептерде байланыс қондыру мен онлайн оқытуды ұйымдастыру қолға алынуда. Су тасқыны басталғалы бері 13 мектеп жоғары жылдамдықты желіге қосылды. Қазір терминалдар Ақмола және Түркістан облыстарының мектептерінде орнатылуда», - деп атап өтті цифрландыру департаменті директорының м.а. Майра Маралбаева.

Жалпы, еліміздің 329 мектебі Starlink технологиясын қолдана отырып, интернетпен қамтамасыз етілген. Терминалдар орнатылғаннан кейін мектептердегі интернеттің орташа жылдамдығы 150 Мбит/с құрайтын болады.