Основы ухода за недоношенными детьми үшін қысқаша сипаттама

Абай облысындағы колледждер базасында оқушыларға арналған кәсіптік бағдарлау лагерлері ұйымдастырылады

Mon, 20 May 2024, 11:21 PM

Осы жазда төрт колледж базасында кәсіптік бағдарлау лагерлерін ашу жоспарлануда. Бұл лагерьлер балаларға демалумен қатар, түрлі салада өздерінің кәсіби дағдылары мен қызығушылықтарын дамытуға бірегей мүмкіндік береді. Жаз маусымында 400-ге жуық баланы қамту жоспарлануда, деп хабарлайды ҚР Оқу-ағарту министрлігінің баспасөз қызметі Абай облысының білім басқармасына сілтеме жасап.

Алғашқы болып «ЭКОorman» лагері Бесқарағай колледжінде ұйымдастырылады. Оның басты мақсаты — балалардың жазғы демалысын, экологиялық тәрбие алуын және терең экологиялық білімді қалыптастыруға бағытталған. Лагерь балалардың физикалық, психикалық және эмоционалдық денсаулығын нығайтуға, экологиялық мәдениетке тәрбиелеуге және шығармашылық қабілеттерін дамытуға бағытталған. Жобаның бірегейлігі -балалардың қоршаған ортаға және еңбекке эстетикалық қатынасын қалыптастырудың ғылыми-білім беру бағытында ұйымдастырылуында. Мұнда ландшафтты дизайн, флористика, гүлдер, ағаштар мен көкөністер отырғызу, жылыжайда жұмыс істеу, сондай-ақ мамандықтар бойынша шеберлік сыныптары қамтылған. Сонымен қатар Шошқалы көліне экскурсия жоспарланған.

Радиотехника және байланыс колледжінің базасында құрылған «SmartkriS» кәсіптік бағдарлау лагері танымдық және жобалық жұмыстар арқылы IT-құзыреттер саласына бағыттай отырып, баланың әлеуметтік қалыптасуы мен дамуына жағдай жасайды. Бұл жобаның бірегейлігі «World Skills» халықаралық стандарттарына сәйкес IT-бағытты дамытуында. Балалар оқытудың ойын моделі арқылы жобаларын қорғайды. Балалар компьютерлік графика, веб-дизайн, бағдарламалау, мобильді робототехника, желілік және жүйелік басқару, заттар интернеті, ақпараттық кабельдік желілер, электроника және CAD инженерлік графикасы сияқты бағыттармен айналыса алады.

Геологиялық барлау колледжінің базасында «Жас геолог» кәсіптік бағдар беру лагері ашылады. Оның мақсаты - геология ғылымдарына баса назар аудара отырып, балалардың жазғы демалысын ұйымдастыру, жастарды геология саласына тарту және танымдық қызығушылықтарын дамыту. Жобаның бірегейлігі - ғылыми зерттеулер мен туристік маршруттар арқылы жердің құрылымын зерттеу. Лагерь бағдарламасы аясында балалар минералогия мен петрографияны, геологияны, гидрогеологияны, магнитометрияны, мұнай мен газды іздеуді, қауіпсіздік техникасының негіздерін зерттейді. Лагерь 60 баланы қабылдайды.

Электротехникалық колледж базасындағы «ІТ-лагерь» кәсіптік бағдар беру жазғы лагерінің мақсаты – оқушылардың жұмысшы мамандықтарына және өндірістік процестерге деген қызығушылығын дамыту. Жобаның ерекшелігі – оқушыларды хакатондарға, стартаптар байқауларына және IT-бағыттағы жарыстарға қатысуға дайындау.

Сондай-ақ Бизнес және сервис колледжі базасында жылда «Profi Camp» жазғы демалыс лагері жұмыс істейді. Лагерь 8 жастан 14 жасқа дейінгі балалар мен жасөспірімдерге арналған. Белсенді демалысты, сауықтыруды және ерте кәсіптік бағдарлауды біріктіретін бірегей бағдарлама ұсынылған. Бағдарламада бес негізгі бағыт бар: «Жас аспаз», «Тәтті өмір», «Өз-өзіне стилист», «Сән және дизайн ханшайымы», «Біз туристпіз». Бұл бағыттар балалардың интеллектуалды және шығармашылық әлеуетін ашуға, сондай-ақ құнды білім мен дағдыларды игеруге мүмкіндік береді.

Кәсіптік бағдарлау лагерьлерін ұйымдастыру мектеп оқушыларының кәсіби дағдыларын қалыптастыруға және оларды әртүрлі салалардағы болашақ мамандықтарға дайындауға бағытталған. Лагерьлердің әрқайсысының бағдарламасы нақты құзыреттерді дамытып қана қоймайды, сонымен қатар балаларға практикалық білім мен тәжірибе алуға көмектеседі, бұл олардың кәсіби қалыптасуындағы маңызды қадам болады.
Білім туралы барлық қажетті мәлімет «Bilim» сервисінде қолжетімді

Mon, 20 May 2024, 11:16 PM

Елде ыңғайлы және сенімді «Bilim» ақпарат көзі іске қосылды. eGov Mobile мобильді қосымшасындағы қолжетімді жаңа сервис білім туралы барлық қажетті ақпаратты бір платформада ұсынады.

«Bilim» - бірнеше бөлімдерден тұрады, онда білімі, оқуды аяқтауы туралы цифрлық құжаттары, қорғаншылық және қамқоршылық туралы ақпарат, баланың профилі және білім алушы туралы қосымша ақпарат қамтылған. Сондай-ақ сервисте қолданушыларға білім беру ұйымдары мен қолданушы арасындағы шартқа ЭЦҚ арқылы қол қоюға мүмкіндік берілген», - деп атап өтті цифрландыру департаменті директорының міндетін атқарушы Майра Маралбаева.

Атап өтейік, бұл сервиске өту үшін eGov Mobile қосымшасында «Bilim» бөлімін таңдау қажет.
Қазақстанда мектептердің жаңа көшбасшы-басқарушылары дайындалуда

Mon, 20 May 2024, 05:39 PM

Елімізде «Білім берудегі өзгерістердің 1000 көшбасшысы» жобасы аясында жаңа көшбасшы-басқарушылар дайындалуда. 13 796 адам қатысуға өтініш берді. Оның ішінде құжаттары бойынша 4 950 педагог іріктеуден өтті.

«Бүгінгі таңда тестілеуден сәтті өткен 567 педагог оқытудан өтуде (24 - мектепке дейінгі білім беру, 496 - орта білім, 47 - ТжКБ). Биыл үміткерлер білім берудің үш деңгейі - мектепке дейінгі, орта білім және техникалық, кәсіптік білім беру бойынша оқиды»,- дейді Орта білім комитетінің басқарма басшысы Айман Дүйсембаева.

Айта кетейік, үздік нәтиже көрсеткен қатысушылар республикалық кадр резервіне бір жылға қосылады, содан кейін олар алған білімдерін еліміздің білім беру мекемелерін басқаруда қолдана алады. Жасанды интеллект фотоиллюстрациясы
Күн саны

Mon, 20 May 2024, 05:10 PM

2023-2024 жылдары 187 070 оқушы орны пайдалануға берілді

2023-2024 жылдар аралығында Қазақстанда 187 070 жаңа оқушы орны енгізілді. 2024 жылдың соңына қарай 500 мыңнан астам жаңа оқушы орнын пайдалануға беріп, білім беру инфрақұрылымын кеңейту жоспарлануда
ОҚУ-АҒАРТУ МИНИСТРЛІГІНІҢ ОСЫ АПТАДАҒЫ ЖАҢАЛЫҚТАРЫНА ҚЫСҚАША ШОЛУ

Mon, 20 May 2024, 05:08 PM

13.05.2024 ж.

ЖАРАТЫЛЫСТАНУ-МАТЕМАТИКАЛЫҚ БАҒЫТТАҒЫ ПӘНДЕР БОЙЫНША РЕСПУБЛИКАЛЫҚ ОЛИМПИАДА ҚОРЫТЫНДЫЛАНДЫ

ОҒАН ЕЛІМІЗДІҢ ӨҢІРЛЕРІНЕН 939 ОҚУШЫ ҚАТЫСЫП, 431 ОҚУШЫ ЖҮЛДЕГЕР АТАНДЫ.

ОЛАР 211 ҚОЛА, 131 КҮМІС ЖӘНЕ 89 АЛТЫН МЕДАЛЬҒА ИЕ БОЛДЫ

14.05.2024 ж.

ПАВЛОДАР ЖӘНЕ ЖАМБЫЛ ОБЛЫСТАРЫНДАҒЫ ОҚЫС ОҚИҒАЛАР ОСЫ СЕЙСЕНБІДЕ БАЛАЛАРДЫҢ ҚАУІПСІЗДІГІ МӘСЕЛЕЛЕРІНЕ АРНАЛҒАН ШҰҒЫЛ КЕҢЕСТЕ ТАЛҚЫЛАНДЫ

ЖИЫН БАРЫСЫНДА ОҚУ-АҒАРТУ МИНИСТРІ БІЛІМ БЕРУ ҰЙЫМДАРЫН САПАЛЫ АРНАЙЫ КҮЗЕТ ҚҰРАМЫМЕН ҚАМТАМАСЫЗ ЕТУДІ;

ПСИХОЛОГИЯЛЫҚ ҚЫЗМЕТТЕРДІ АШУ ЖҰМЫСЫН ЖАЛҒАСТЫРУДЫ;

МЕКТЕПІШІЛІК БАҚЫЛАУДЫ КҮШЕЙТІП, ӘР ҚАЙСЫСЫНА УЧАСКЕЛІК ИНСПЕКТОРЛАРДЫ БЕКІТУДІ ТАПСЫРДЫ

15.05.2024 ж.

СӘРСЕНБІДЕ ОРТАЛЫҚ КОММУНИКАЦИЯЛАР ҚЫЗМЕТІНДЕ ӨТКЕН БРИФИНГКЕ ОҚУ-АҒАРТУ ВИЦЕ-МИНИСТРЛЕРІ 2023-2024 ОҚУ ЖЫЛЫНЫҢ АЯҚТАЛУЫ ЖӘНЕ ҚОРЫТЫНДЫСЫ ТУРАЛЫ БАЯНДАМА ЖАСАДЫ

ОЛАР МЕКТЕПКЕ ДЕЙІНГІ, ОРТА, ТЕХНИКАЛЫҚ ЖӘНЕ КӘСІПТІК БІЛІМ БЕРУ, ЖАЗҒЫ ДЕМАЛЫС, БАЛА ҚҰҚЫҚТАРЫН ҚОРҒАУ ЖӘНЕ ЦИФРЛАНДЫРУ МӘСЕЛЕЛЕРІН ҚОЗҒАДЫ

16.05.2024 ж.

ОҚУ-АҒАРТУ МИНИСТРІНІҢ ТАПСЫРМАСЫМЕН БАЛА ҚҰҚЫҚТАРЫН ҚОРҒАУ КОМИТЕТІ ТӨРАҒАСЫНЫҢ ОРЫНБАСАРЛАРЫ ЖАМБЫЛ ЖӘНЕ ПАВЛОДАР ОБЛЫСТАРЫНДА БОЛДЫ

БІЛІМ БЕРУ ҰЙЫМДАРЫНДАҒЫ ҚАУІПСІЗДІК ШАРАЛАРЫН КҮШЕЙТУ ҮШІН БІРҚАТАР ШАРАЛАР ӨТКІЗДІ

ІССАПАР НӘТИЖЕСІНДЕ ЕКІ АЙМАҚТА ПСИХОЛОГИЯЛЫҚ ҚОЛДАУ ОРТАЛЫҚТАРЫ АШЫЛДЫ

17.05.2024 ж.

ҒАНИ БЕЙСЕМБАЕВ ОҚУ ЖЫЛЫНЫҢ АЯҚТАЛУ ҚАРСАҢЫНДА «АЛТЫН БЕЛГІ» ТӨСБЕЛГІСІНЕ ҮМІТКЕРЛЕРМЕН ДӘСТҮРЛІ КЕЗДЕСУ ӨТКІЗДІ

ЖОҒАРЫ ОҚУ ҮЛГЕРІМІМЕН КӨЗГЕ ТҮСКЕН 8 МЫҢҒА ЖУЫҚ ҚАЗАҚСТАНДЫҚ ТҮЛЕК МИНИСТРДІҢ ТІЛЕГІН ТЫҢДАДЫ

18.05.2024 Ж.

11-17 МАМЫР АРАЛЫҒЫНДА ЛОС-АНДЖЕЛЕСТЕ REGENERON ISEF 2024 ОҚУШЫЛАРДЫҢ ХАЛЫҚАРАЛЫҚ ҒЫЛЫМИ-ИНЖЕНЕРЛІК КӨРМЕСІ ӨТТІ

ҚАЗАҚСТАНДЫҚ ҮШ ОҚУШЫ 100% НӘТИЖЕМЕН МӘРТЕБЕЛІ МАРАПАТТАРҒА ИЕ БОЛДЫ