Дистанционное обучение КазНМУ: Инструкции

Warning: getimagesize(/var/www/moodledata/filedir/1b/c3/1bc34ea2650dfede1c3ae131e1c841f52d6b1928): failed to open stream: No such file or directory in /var/www/moodle/lib/filestorage/file_system.php on line 417
Дистанционное обучение КазНМУ: Инструкции

Курстардың санаттары:

Видеоинструкции по работе СДО Moodle

Инструкция для слушателей

Кодовое слово: 12345

Руководство по Moodle для преподавателей

В помощь преподавателю: создание электронных курсов в Moodle . Кодовое слово: 12345

moodle-logo.jpg

RSS

Қазақстандық оқушылар Regeneron ISEF халықаралық ғылыми-инженерлік көрмеде беделді марапаттарға ие болды

Sat, 18 May 2024, 09:37 PM

11-17 мамыр аралығында Лос-Анджелесте оқушыларға арналған дүниежүзілік ғылыми-инженерлік Regeneron ISEF 2024 конкурсы өтті. Қазақстанның үш оқушысы беделді марапаттарға ие болып, 100% нәтижеге қол жеткізді.

Жобадағы жетістіктері үшін Әбілмансұр Рахметуллаев, Саяжан Жақсығалиева және Әлихан Жарболов түрлі санаттар бойынша үздік деп танылып, жобадағы еңбегін бағалау дипломдарына ие болды.

Сондай-ақ дарынды жас ғалымдар Король Абдулазиз және оның серіктестері қоры атынан «Маухиба» арнайы сыйлықтарына ие болды. Оларға Король Фахд мұнай және минералдар университетінде оқу үшін толық қаржыландырылған білім гранттары табысталды.

Арнайы сыйлық қатысушыларға қаржылық мәселелерге алаңдамай, оқуын жалғастыруға мүмкіндік береді. Бұл олардың академиялық және ғылыми жұмыстарға назар аударуы үшін мүмкіндік.

Айта кету керек, Regeneron ISEF – 70-тен астам елден 2000-ға жуық қатысушының басын қосып, оларға өздерінің инновациялық әзірлемелерін көрсетуге және дүние жүзіндегі әріптестерімен тәжірибе алмасуға мүмкіндік беретін ауқымды шара.
Оқу-ағарту министрі «Алтын белгіге» үміткер оқушылармен кездесті

Sat, 18 May 2024, 04:14 PM

Оқу жылының аяқталуының қарсаңында Ғани Бейсембаев «Алтын белгіге» үміткерлермен кездесу өткізді. Үздік оқу үлгерімімен ерекшеленген 7 мыңнан астам мектеп бітірушіге министр өзінің ақыл-кеңесін айтып, бағыт-бағдар берді.

Ғани Бейсембаев мектепте алған білімнің болашақта кәсіби табысқа жетудің мықты іргетасына айналарына сенімділік білдірді.

«Білім - бұл кез келген табыстың іргетасы. Сендердің биік мақсаттарға жетуге деген талаптарың мен табандылықтарың қуантады. Мектеп қабырғасында белсенді болып, өздеріңізден кейінгі оқушыларға үлгі бола білгендеріңіз үшін алғысымды білдіремін. Биылғы жылы 186 мың мектеп бітіруші өмірлеріндегі жауапты сәтке қадам басқалы отыр. Әрқайсыларыңыз алдағы емтиханды сәтті тапсырып, өз мақсаттарыңызға қол жеткізесіздер деп сенемін. Сіздерге білім жолында үнемі ізденіс пен талпыныс, табыс пен сәттілік тілеймін»,- деді Ғани Бейсембаев.

Кездесуге сондай-ақ өткен жылғы «Алтын белгі» иегерлері де қатысты. Олар өз тәжірибелерімен бөлісіп, биылғы үміткерлерді білім шыңына шабыттандырды. Олардың бірі «Minerva» калифорниялық университетінің студенті Ақнұр Әбдікәрім.

«Мен қарапайым отбасында туып-өстім, РФММ-де оқыдым. Сіздер секілді мен де өткен жылы дәл осылай қобалжу сәтін басымнан кешірдім. Қазір әлемнің алдыңғы қатарлы университеттерінің бірінде білім ала жүріп, біздің елімізде өз ұстаздарымыздан алған білімнің ең мықты іргетас екеніне көз жеткізіп келемін»,- дейді Ақнұр.

Кездесу кезінде түлектердің әрқайсысы өздерінің жетістіктері туралы айтып, болашаққа жоспарларымен бөлісті, министрге сұрақтарын қойды, пікір алмасты. Кездесуге қатысушылар сапалы білім алу мүмкіндігін беріп, қолдау танытқан еліміздің үкіметіне алғыстарын білдірді.

Айта кету керек, биылғы жылы жалпы орта білім туралы «Алтын белгі» аттестатына 7000-нан астам білім алушы үміткер болып отыр.
2023-2024 оқу жылының қорытындысы бойынша сапалы интернет көрсеткіші үш есеге артты

Fri, 17 May 2024, 09:06 PM

Мемлекет басшысының тапсырмасы бойынша орта білім беру ұйымдарын жылдам және тұрақты интернетпен қамтамасыз ету бойынша жұмыстар жүргізілуде. 2023-2024 оқу жылының қорытындысы бойынша қамту 19%-дан 78%-ға дейін өсті.

Бастама оқыту үшін қолайлы жағдайлар жасауға және білім беру сапасын жақсартуға бағытталған.

«Мектептерде жоғары жылдамдықтағы интернетті қамтамасыз етудің бірнеше маңызды артықшылықтары бар. Біріншіден, бұл оқушылар мен мұғалімдерге үлкен көлемдегі ақпарат пен білім беру ресурстарына қол жеткізуге мүмкіндік береді, оқу процесі мен ой-өрісті кеңейтуге ықпал етеді. Екіншіден, жоғары жылдамдықтағы интернет түрлі онлайн-платформалар арқылы басқа мектептермен және білім беру мекемелерімен өзара іс-қимыл жасау мүмкіндігін қамтамасыз етеді, коммуникацияны дамытуға және тәжірибе алмасуға ықпал етеді», – деп атап өтті цифрландыру департаменті директорының міндетін атқарушы Майра Маралбаева.

Министрлік қолданыстағы инфрақұрылымды жаңғырту, желілік қамтуды кеңейту, деректерді беру жылдамдығын арттыру және шалғай, тұрғыны аз аудандарда интернеттің қолжетімділігін қамтамасыз ету сияқты түрлі шараларды жоспарлауда.
Техникалық және кәсіптік білім беру ұйымдарында мемлекеттік тапсырыс ұлғайтылды

Fri, 17 May 2024, 03:41 PM

Жаңа оқу жылында техникалық және кәсіптік білім беру ұйымдарындағы мемлекеттік білім беру тапсырысының көлемі 60 мың орынға көбейеді. Осылайша, мемлекеттік тапсырыс бойынша қабылданған білім алушылар саны 145 мың адамға жетеді.

«Мемлекет басшысының тапсырмасы бойынша сұранысқа ие мамандықтар бойынша тегін техникалық және кәсіптік білім беру бойынша мемлекеттік білім беру тапсырысы республикалық бюджет есебінен 60 мың орынға ұлғайтылды. 2025 жылға қарай жастардың 100%-ы сұранысқа ие мамандықтар бойынша тегін ТжКБ-мен қамтамасыз етіледі», - деді техникалық және кәсіптік білім департаментінің директоры Әсет Мұханбетов.

Мемлекеттік білім беру тапсырысы техникалық мамандықтар бойынша ұлғаяды: геология, машина жасау, энергетика, IT, металлургия, көлік және т.б. Бүгінде ТжКБ-ді мемлекеттік тапсырыспен қамту 80%-ға жетті.

Айта кетейік, жыл сайын кәсіпорындардың өтінімдері бойынша 10 мың талапкер қабылданады. Тапсырыс беруші кәсіпорындарға практика ұйымдастыру және түлектерді одан әрі жұмысқа орналастыру бойынша міндеттемелер беріледі.

Жасанды интеллект фотоиллюстрациясы
Жамбыл және Павлодар облыстарында Психологиялық қолдау орталықтары ашылды

Thu, 16 May 2024, 11:11 PM

ҚР Оқу-ағарту министрінің тапсырмасымен Павлодар және Жамбыл облыстарына Балалардың құқықтарын қорғау комитеті төрағасының орынбасарлары шұғыл жұмыс сапарымен барды. Аталған өңірлерде білім беру ұйымдарында қауіпсіздік шараларын күшейту бойынша бірқатар іс-шаралар өткізілді.

Атап айтқанда, министрлік өкілдері оқушылардың отбасыларымен және білім беру ұйымдарының ұжымдарымен кездесті. Облыс басшылығымен және мектеп директорларымен бірлесіп мектептерде қауіпсіздік шаралары мен психологиялық-педагогикалық жұмыстарды күшейту бойынша кеңестер өткізілді. Әр облыс бойынша кәмелетке толмағандар арасындағы құқық бұзушылықтың алдын алу бойынша әдістемелік ұсынымдар әзірленді.

Сапар қорытындысында Жамбыл және Павлодар облыстарында Психологиялық қолдау көрсету орталықтары ашылды, олар педагог-психологтар үшін тірек-орталыққа және ата-аналар мен балалар көмек сұрап жүгіне алатын орынға айналады.

Бұған дейін ҚР Оқу-ағарту министрі облыс әкімдерінің орынбасарларымен, полиция департаменттерімен, білім басқармалары мен аумақтық департаменттердің басшыларымен бірге балалардың қауіпсіздігі мәселелері бойынша шұғыл кеңес өткізген болатын. Ведомство басшысы өңірлердегі психологиялық қызметтердің жұмысын, мектепішілік бақылауды күшейту және әр мектепке учаскелік инспектор бекіту жөнінде бірқатар тапсырмалар берді. Балалардың құқықтарын қорғау комитеті аумақтық департаменттермен бірлесіп, әрбір бағыт бойынша жұмыстың сапалы ұйымдастырылуын бақылауда ұстауы қажет.