Дистанционное обучение КазНМУ: Расписание предметов

Расписание предметов

Click https://kaznmu.kz/rus/raspisanie-predmetov/ link to open resource.

RSS

Қытайда өткен химия пәнінен 58-ші Халықаралық Менделеев олимпиадасында қазақстандық оқушылар тоғыз медаль жеңіп алды

Fri, 26 Apr 2024, 10:46 PM

Бүгін химия пәнінен оқушыларға арналған 58-ші Халықаралық Менделеев олимпиадасының қорытындысы шықты. Шэньчжэнь қаласында (Қытай) өткен жарысқа 29 елден 200-ден астам оқушы қатысып, өзара 15 алтын, 30 күміс және 45 қола жүлдені таласқа салды.

Қазақстан құрама командасы 1 алтын, 2 күміс және 6 қола, барлығы 9 медаль жеңіп алды:

Алтын медаль - Ринат Илюсизов, Павлодар қаласындағы №8 дарынды балаларға арналған лицейдің оқушысы.

Күміс медаль - Әділжан Молдағұл, Ақтау қаласының «Білім-Инновация» лицей-интернатынан және Кирилл Ким, Астана қаласының физика-математика бағытындағы Назарбаев Зияткерлік мектебінен.

Қола медаль - Абылай Қабдулхадыр, Астана қаласының физика-математика бағытындағы Назарбаев Зияткерлік мектебінен, Алихан Серікұлы, Haileybury Almaty халықаралық мектебі, Еңлік Бақытбекова, Алматы қаласының химия-биология бағытындағы Назарбаев Зияткерлік мектебі, Тамила Рахимбаева, Павлодар қаласының химия-биология бағытындағы Назарбаев Зияткерлік мектебі, Санжар Қалиақбар, Қарағанды қаласының №1 «Білім-Инновация» мектеп-интернаты және Әліби Мұғалім, Ақтау қаласының «Білім-Инновация» мектеп-интернаты.
Оқу-ағарту министрі педагогтерге мемлекеттік тілді дамыту, ел бірлігін нығайту жолындағы еңбектері үшін алғыс білдірді

Fri, 26 Apr 2024, 06:08 PM

Қазақстан Республикасы Президентінің Жарлығымен халықтар арасында бейбiтшiлiктi, достық пен ынтымақтастықты нығайтуға, мемлекеттік тілді дамытуға сiңiрген еңбегi үшiн Астана қаласынан, Ақмола және Атырау облыстарынан бірқатар мұғалімдер марапатталды. Оқу-ағарту министрі Ғани Бейсембаев еңбегі жоғары бағаланған педагогтермен кездесті.

Министр ұстаздарға болашақ ұрпақты тәрбиелеудегі үлестері үшін алғыс айтып, педагогтерді қолдау және олардың кәсіби мәртебесін көтеру - білім беру саласындағы маңызды басымдықтардың бірі болып табылатынын атап өтті.

«Біздің ортақ міндетіміз - сапалы білім мен тәрбие беру, өскелең ұрпақ үшін ең жақсы үлгілерді қалыптастыру, білім мен мүмкіндіктер беретін қоғам құру. Сіздердің кәсібиліктеріңіз, балаларды оқыту мен тәрбиелеудегі адалдықтарыңыз үшін шын жүректен ризашылығымды білдіремін. Сіздер еліміздің барлық мұғалімдерінің жарқын бейнесісіздер, сіздердің мамандыққа адалдықтарыңыз бізді жаңа жетістіктерге шабыттандырады», - деп атап өтті министр.

Педагогтер өз кезегінде мемлекеттің педагог қызметін жоғары бағалағанына зор ризашылықтарын білдіріп, кәсіби өсуге, оқыту әдістерін жетілдіруге қатысты өз ойларымен бөлісті.

«Балаларды оқыту арқылы біз тек білім беріп қана қоймай, жеке тұлға ретінде қалыптастырамыз, оқушыларымызға жоғары мақсат қою және оған жету дағдысын сіңіреміз және оларға табысқа жетудің жолын үйретеміз. Менің жұмысым - бұл мамандық қана емес, бұл менің елімнің болашағы алдындағы миссиям және жауапкершілігім», - деді Ақмола облысы Арайлы ауылынан келген орта мектеп мұғалімі Анастасия Ирубаева.

Мемлекет басшысы мемлекеттік тілді дамытуға және достықты нығайтуға сіңірген еңбегі үшін мемлекеттік наградалар табыстаған педагогтердің ішінде Астана қаласы Қайырбеков атындағы №2 мектептің мұғалімі Елизавета Александровна Шнайдер ІІ дәрежелі «Достық» орденімен, Ақмола облысы Арайлы ауылындағы орта мектеп мұғалімі Анастасия Ирубаева «Шапағат»медалімен, Атырау қаласындағы №3 мектеп — гимназиясының мұғалімі Татьяна Нестеровна Любина «Ерен еңбегі үшін» медалімен марапатталды.
Күн саны

Fri, 26 Apr 2024, 04:03 PM

14 000-нан астам мектепке дейінгі және орта білім беру педагогтері біліктіліктерін арттырды

«Өрлеу» біліктілікті арттыру ұлттық орталығының хабарлауынша, биыл мектепке дейінгі білім беру бойынша 4 791 педагог оқытылып, 190 курс өткізілген. Орта білім беру бойынша 9 737 педагог оқытылып, 370 курс өткізілді. Бүгін «Өрлеу» курстарында 177 мектепке дейінгі және 1207 орта білім беру педагогтері білім алуда. Жыл соңына дейін 80 000-нан астам педагогтің білімін жетілдіру жоспарлануда.
Барлық қазақстандық мектептерде оқу жылының аяқталуына арналған бірыңғай сынып сағаты өтеді

Fri, 26 Apr 2024, 12:04 AM

2023-2024 оқу жылын 3,8 млн-нан астам қазақстандық оқушы аяқтайды, оның 186 мыңы мектеп түлектері, деп хабарлайды ҚР Оқу-ағарту министрлігінің баспасөз қызметі.

Биылғы оқу жылының ұзақтығы 34 аптаны құрайды, оқу 25 мамырда аяқталады.

«Су тасқынынан орын алған жағдайға және 25 мамырдың демалыс күніне сәйкес келуіне байланысты 24 мамыр күні барлық мектептерде сабақта 2023-2024 оқу жылының аяқталуына арналған сынып сағаты ұйымдастырылады. Онда сынып жетекшілері оқушылармен бірге өткен оқу жылын қорытындылайды. Су тасқыны болған өңірлердегі сабақ қашықтықтан ұйымдастырылған балалар үшін сынып сағаттары онлайн форматта болады» - деп атап өтті Тәрбие жұмысы және қосымша білім беру департаменті директорының орынбасары Қарлығаш Құрманбекова.

11 (12) сынып түлектеріне аттестат тапсыру және ерекше үлгідегі «Алтын белгімен» марапаттау 12-15 маусым аралығында мектептердегі барлық емтихандар аяқталғаннан кейін өтеді. Айта кетейік, 9-11 сынып түлектерінің қауіпсіздігін және емтихандарға сапалы дайындығын қамтамасыз ету мақсатында ақша жинауға, салтанатты іс-шаралар, банкеттер ұйымдастыруға және автомобильдермен шығуға тыйым салынады.

Жасанды интеллект фотоиллюстрациясы
«Педагогикалық идеялар панорамасы-2024» республикалық конкурсы басталды

Thu, 25 Apr 2024, 04:02 PM

Мектепке дейінгі, орта, қосымша, техникалық және кәсіптік, орта білімнен кейінгі және жоғары білім беру ұйымдары үшін «Педагогикалық идеялар панорамасы-2024» республикалық бейнесабақтар мен бейнедәрістер конкурсының өңірлік кезеңі басталды.

Конкурс мақсаты – пәнаралық негізде білім алушылардың ерте/функционалдық сауаттылығын дамыту саласында педагогтердің өзара қарым-қатынасының заманауи педагогикалық тәжірибесі мен үздік практикаларын тарату және танымал ету.

«Педагогикалық идеялар панорамасы» – бұл еліміздің барлық өңірлерінің педагогтері инновациялық идеяларды ұсынатын, тәжірибе алмасатын және жаңа практикаларды игеретін сараптамалық алаң. Конкурс цифрлық технологияларды белсенді қолданумен ерекшеленеді. Бұл өз кезегінде педагогтердің IT-құзыреттілік деңгейіне оң әсер етеді. Биыл «Педагогикалық идеялар панорамасы» 5-ші рет өтеді, педагогтердің конкурсқа қызығушылығы жыл сайын артып келеді», – дейді «Өрлеу» біліктілікті арттыру ұлттық орталығының басқарма төрағасы Еламан Айбульдинов.

Конкурстың өңірлік кезеңіне қатысуға өтінімдер https://ppi.orleu-edu.kz сайтында 24 сәуір–15 қазан аралығында қабылданады. Қосымша ақпарат алу үшін «Өрлеу» біліктілікті арттыру ұлттық орталығының облыстық және Шымкент, Алматы, Астана қалаларындағы филиалдарына хабарласуға болады.